Prokuroria e Parisit konfirmoi se zyrat e platformës sociale X, në pronësi të Elon Musk, po bastisen sot në kuadër të një hetimi për krime kibernetike që ka nisur në janar 2025.
Aksioni po kryhet nga njësia për krime kibernetike e prokurorisë franceze, me pjesëmarrjen e Europol. Autoritetet nuk kanë dhënë ende detaje mbi natyrën konkrete të dyshimeve apo objektin e hetimit.
Platforma X ka qenë shpesh në qendër të debateve dhe proceseve ligjore lidhur me përmbajtjen online, moderimin dhe respektimin e legjislacionit evropian për shërbimet digjitale.
