Ramazani, periudha më e rëndësishme në kalendarin islamik për besimtarët myslimanë në mbarë botën. Muaji i nëntë i kalendarit hënor përfaqëson kohën e agjërimit, lutjes dhe reflektimit shpirtëror ka nisur sot.
Agjërimi konsiderohet një nga pesë shtyllat e Islamit dhe është detyrim për të rriturit që nuk kanë probleme shëndetësore. Nga agimi deri në perëndim nuk konsumohet ushqim apo pije dhe shmangen marrëdhëniet intime, ndërsa theksi vihet te vetëkontrolli dhe solidariteti.
Sipas traditës islame, Ramazani përkujton zbritjen e parë të Kuranit te Profeti Muhamed. Brenda këtij muaji ndodhet edhe Nata e Kadrit, e cilësuar si nata më e vlefshme e vitit. Muaji përmbyllet me festën e Fitër Bajramit.
Autoritetet fetare në disa vende kanë bërë thirrje që kjo periudhë të shoqërohet me paqe, përgjegjësi sociale dhe respekt ndaj komunitetit.
