Një burrë u qëllua për vdekje nga Shërbimet Sekrete pranë rezidencës Mar-a-Lago në Palm Beach, Florida, herët në mëngjesin e së dielës.
Sipas autoriteteve, ngjarja ndodhi rreth orës 01:30, pasi individi hyri në një “perimetër të siguruar” të pronës. Ai mbante me vete një objekt që dukej si armë gjahu dhe një bidon me karburant. Gjatë përballjes me agjentët, u qëllua me armë zjarri.
Presidenti Donald Trump nuk ndodhej në rezidencën e tij në Florida në momentin e incidentit, pasi ishte në Uashington, D.C.
Autoritetet lokale dhe agjentë të Shërbimit Sekret, si dhe një efektiv i zyrës së sherifit të qarkut Palm Beach, nuk raportuan të lënduar.
Hetimet për rrethanat e plota të incidentit vijojnë, ndërsa zona u izolua për disa orë për procedura sigurie.
