Sulme ajrore në Teheran të ndërmarra nga forcat ajrore izraelite, në një operacion që autoritetet në Tel Aviv e përshkruajnë si veprim parandalues ndaj Iranit.
Ministri i Mbrojtjes i Izraelit konfirmoi nisjen e sulmit, ndërsa Forcat e Mbrojtjes së Izraelit (IDF) lëshuan një paralajmërim kombëtar për qytetarët që të qëndrojnë pranë zonave të mbrojtura.
“Ky është një paralajmërim paraprak me qëllim përgatitjen e publikut për mundësinë e lëshimit të raketave drejt shtetit të Izraelit”, njoftoi IDF.
Sipas agjencisë iraniane Fars, tre shpërthime u regjistruan në qendër të Teheranit, përfshirë lagjen Jomhouri dhe rrugën ku ndodhet Universiteti i Teheranit. Agjencia ISNA raportoi për tym të dendur që ngrihej nga zona qendrore e kryeqytetit.
Deri tani nuk ka të dhëna zyrtare për viktima apo dëme materiale. Autoritetet iraniane kanë nisur inspektimet në zonat e prekura dhe kanë shtuar masat e sigurisë.
Ngjarja ndodh në një periudhë tensioni të lartë mes Iranit dhe Izraelit, duke rritur shqetësimet për përshkallëzim të mëtejshëm rajonal.
