Presidenti i Shteteve të Bashkuara, Donald Trump, njoftoi se udhëheqësi suprem i Iranit, Ajatollah Ali Khamenei, është vrarë gjatë sulmeve ajrore të koordinuara nga SHBA dhe Izraeli gjatë natës.
“Khamenei… është i vdekur”, shkroi Trump në platformën Truth Social, duke shtuar se kjo paraqet një mundësi për ndryshim në Iran.
Një burim i lartë qeveritar izraelit tha për mediat ndërkombëtare se kompleksi ku ndodhej Khamenei në Teheran u godit dhe u shkatërrua. Më herët, Trump konfirmoi nisjen e “operacioneve të mëdha luftarake”, ndërsa ushtria izraelite njoftoi se rreth 200 avionë luftarakë morën pjesë në sulme.
Sipas mediave iraniane dhe Gjysmëhënës së Kuqe, mbi 200 persona janë vrarë nga sulmet, përfshirë 108 viktima në një shkollë fillore në jug të vendit.
Forcat iraniane nisën kundërgoditje ndaj bazave amerikane dhe izraelite në rajon. Situata mbetet në zhvillim mes tensioneve të larta në Lindjen e Mesme.
