Skualifikohen 6 nga 13 kandidatët për drejtimin e BKH

“Mangësitë në dokumentacion skualifikuan kandidatët në garën për kreun e BKH”

Procesi i përzgjedhjes për kreun e ri të Byrosë Kombëtare të Hetimit (BKH) ka hyrë në një fazë të re, ndërsa gjashtë nga trembëdhjetë kandidatët e regjistruar fillimish janë skualifikuar në fazën e parë. Burime nga SPAK bëjnë me dije se shkak për përjashtimin e tyre është bërë mospërmbushja e kritereve të nevojshme për aplikim, për shkak të mangësive në dokumentacionin e dorëzuar.

BKH është një nga strukturat më të rëndësishme të sistemit të drejtësisë shqiptare, me rol kyç në hetimin e korrupsionit dhe krimit të organizuar, krahas Prokurorisë së Posaçme (SPAK). Pas dorëheqjes së ish-drejtueses Aida Hajnaj, gara për drejtimin e kësaj strukture është rihapur dhe ka tërhequr vëmendjen e një game të gjerë kandidatësh, si nga radhët e brendshme të BKH-së, ashtu edhe nga struktura të tjera të drejtësisë dhe rendit publik.

Kreu i SPAK, Altin Dumani, ka theksuar nevojën për forcimin e kapaciteteve të Byrosë, duke kërkuar shtim të numrit të agjentëve si dhe përmirësim të infrastrukturës dhe kushteve të punës për hetuesit.

Aktualisht nuk janë bërë publikë emrat e kandidatëve të skualifikuar, por më poshtë paraqitet lista me të gjithë 13 aplikantët që shprehën interes për postin:

1. Andi Pogaçe

2. Artur Beu

3. Astrit Halilaj

4. Elton Kërluku

5. Gentian Ndoi

6. Gentjan Shehaj

7. Gledis Nano

8. Haki Çako

9. Joni Keta

10. Maoricio Sheldija

11. Marinela Pilinçi

12. Miklovan Kanani

13. Nevrus Ndregjoni