Andrew Mountbatten-Windsor është arrestuar nën dyshimin për “për shpërdorim detyre publike”.
Thames Valley Police njoftoi se ka arrestuar “një burrë rreth të 60-ave nga Norfolk” dhe se po kryen kontrolle në adresa në Berkshire dhe Norfolk. “Burri mbetet në paraburgim,” thuhet në deklaratë.
Policia britanike zakonisht nuk publikon emrat e personave të arrestuar përpara ngritjes së akuzave formale. Rasti lidhet me një hetim në vazhdim mbi dyshime për shpërdorim detyre publike.
Andrew Mountbatten-Windsor, i njohur më parë si princ Andrew, ka qenë më herët në qendër të vëmendjes për lidhjet e tij me të dënuarin për krime seksuale Jeffrey Epstein, akuza të cilat ai i ka mohuar vazhdimisht.
Nuk është bërë e ditur nëse arrestimi do të pasohet nga ngritja e akuzave, ndërsa hetimet vijojnë. Zhvillimet pritet të kenë ndikim të konsiderueshëm në diskursin publik në Mbretërinë e Bashkuar.
