Angelina Jolie po përgatit një kapitull të ri jashtë Shteteve të Bashkuara, me zhvendosjen që pritet të ndodhë pas 12 korrikut, kur binjakët e saj Vivienne dhe Knox mbushin 18 vjeç.
Sipas revistës People, aktorja 50-vjeçare ka pritur përfundimin e detyrimeve ligjore të kujdestarisë me ish-bashkëshortin Brad Pitt përpara se të ndërmarrë këtë hap. Burime pranë saj kanë bërë të ditur se ajo nuk ka dashur të jetojë me kohë të plotë në Los Anxhelos, por ka qenë e kufizuar nga marrëveshja familjare.
Në një intervistë për The Hollywood Reporter në vitin 2024, Jolie theksoi se prioriteti kryesor mbeten fëmijët dhe nevoja për privatësi, qetësi dhe siguri. Ajo ka përmendur se do të kalojë kohë të konsiderueshme në Cambodia, vend nga ku adoptoi djalin e saj të parë, Maddox, në vitin 2002 dhe me të cilin ka lidhje të hershme humanitare.
Në shtator, gjatë një paneli në San Sebastián Film Festival, Jolie u shpreh: “E dua vendin tim, por në këtë moment nuk e njoh vendin tim.”
Qëndrimet e saj për çështje ndërkombëtare dhe politikat amerikane janë shprehur edhe më herët, përfshirë një opinion në The New York Times në vitin 2017 kundër ndalimit të emigracionit.
Vendimi për t’u zhvendosur shihet si pjesë e një orientimi të vazhdueshëm ndërkombëtar, të lidhur me angazhimet familjare dhe humanitare të aktores.
