Arbitri Ramon Abe është bërë i pari në histori që përdor rregullin e ri të FIFA-s, duke kryqëzuar krahët para gjoksit si shenjë e aktivizimit të protokollit kundër racizmit.
Kjo ndodhi në minutën e fundit të ndeshjes së Kupës së Botës për Klube mes Real Madridit dhe Pachuca.
Real Madrid fitoi 3-1 dhe në fund të kohës shtesë, kapiteni i Pachuca, Gustavo Cabral, goditi Antonio Rudiger.
Pas incidentit, Rudiger reagoi verbalisht dhe njoftoi arbitrin se ishte fyer racialisht nga Cabral.
Videoja tregon Cabral duke e quajtur dy herë “mono”, që do të thotë “majmun” në spanjisht. Abe aktivizoi protokollin e FIFA-s në përputhje me rregullat e reja.
Protokolli parashikon tre hapa: ndërprerjen e përkohshme të lojës, pezullimin e përkohshëm të ndeshjes dhe, nëse është e nevojshme, pezullimin e plotë të saj.
Me sekonda të mbetura, loja ishte ende në sekondat e fundit pasi FIFA hapi procedurat disiplinore kundër Cabral.
Pas ndeshjes, trajneri i Real Madridit, Xabi Alonso deklaroi: “Racizmi nuk ka vend në futboll. Ne i besojmë Rudiger dhe e mbështesim plotësisht atë. FIFA aktualisht është duke hetuar këtë çështje,”
