Edi Rama ka reaguar ashpër ndaj shoqatave të gjyqtarëve, duke i cilësuar kërkesat e tyre për rritje pagash si të pabazuara dhe të papranueshme.
Kryeministri tha se falë qeverisë socialiste, gjyqtarëve u është përmirësuar ndjeshëm jeta profesionale, duke theksuar se sot ata janë plotësisht të pavarur. Sipas tij, kërkesa për rritje pagash deri në mbi 5 mijë euro në muaj nuk ka bazë ligjore apo kushtetuese.
Kreu i qeverisë kritikoi reagimin publik të shoqatave të gjyqtarëve, duke theksuar se ata duhet të shprehen vetëm përmes vendimeve në sallën e gjyqit dhe jo në deklarata publike.
Edi Rama theksoi se dy shoqatat e gjyqtarëve se nuk janë në rregull ligjërisht, duke pohuar se njëra është e pezulluar nga QKB për mosshlyerje detyrimesh, ndërsa tjetra nuk rezulton e regjistruar. Ai theksoi se SPAK nuk i është bashkuar kësaj kërkese, duke e veçuar nga pjesa tjetër e sistemit të drejtësisë.
Çështja e pagave të gjyqtarëve aktualisht ndodhet në Gjykatën Kushtetuese.
