EPPO dhe Policia belge ka bastisur ambientet e European Commission në Bruksel në kuadër të një hetimi mbi parregullsi të mundshme në shitjen e aseteve të pasurive të paluajtshme.
Sipas raportimit të Financial Times, kontrollet u kryen të enjten në disa zyra të Komisionit, përfshirë departamentin e buxhetit. Hetimi lidhet me shitjen e 23 ndërtesave që u blenë në vitin 2024 nga fondi sovran belg SFPIM për rreth 900 milionë euro.
Procedura po drejtohet nga European Public Prosecutor’s Office. Zëdhënësja Tine Hollevoet konfirmoi se po kryhen “aktivitete për mbledhjen e provave në një hetim në vazhdim”.
Shitja është realizuar gjatë mandatit të ish-komisionerit për buxhetin Johannes Hahn, i cili drejtoi buxhetin prej 1 trilion eurosh të BE-së deri në vitin 2024. Pas përfundimit të mandatit, ai u emërua i dërguar i posaçëm i BE-së për Qipron.
Komisioni Evropian deklaroi se procedura është zhvilluar në përputhje me rregulloret financiare të BE-së dhe se institucioni do të bashkëpunojë plotësisht me autoritetet belge dhe EPPO-n. Hetimet vijojnë për të verifikuar përputhshmërinë ligjore të transaksionit.
