Kur një mashtrim i vogël rrezikon të bëhet dashuri e madhe
Një rrëfim që nis në mënyrën më të pazakontë dhe përfundon aty ku zemra nuk pyet për logjikë…
“Si u njohët ju të dy?”
Një pyetje kaq e thjeshtë, por për të… kaq e vështirë për t’u shpjeguar. Sepse kjo nuk është një histori klasike dashurie. Nuk është një takim romantik në një kafe pariziane, as një përplasje magjike sy më sy në një stacion treni. Është një përballje e rastësishme në zemër të Beverly Hills, mes një vajze me ëndrra të mëdha dhe një biznesmeni që lufton për të shpëtuar një marrëveshje jetike.
Ai sillej i shqetësuar rreth bllokut, duke mërmëritur me vete për shifra, data dhe presione. Ajo… thjesht kërkonte dikë që mund të kishte zemrën dhe guximin për të krijuar diçka më shumë. Nuk pati as ndjesi magjike, as shkëndija të menjëhershme. Por pati diçka tjetër – një propozim të çuditshëm.
Një marrëveshje e rreme. Një jetë e re. Një rrezik i paplanifikuar.
Ai i kërkon të shtiret si e dashura e tij për të përmbushur një objektiv biznesi. Ajo pranon. Dhe nga një takim rastësor, ajo zhytet në një botë ku gjithçka duket perfekte: shtëpi të mëdha, restorante të shtrenjtë, dalje glamuroze… dhe një lidhje e rreme që duhet të duket sa më reale. Me çdo dalje publike, me çdo përqafim të inskenuar, me çdo buzëqeshje të stisur – loja bëhet më e vështirë për ta dalluar nga realiteti.
Por ka një problem. Një rrezik që nuk e kishte parashikuar…
Gabimi i saj i vetëm?
Ajo po bie në dashuri me Haksli Kejnin.
Dhe kjo… nuk ishte pjesë e marrëveshjes.
“Jo me shikim të parë” është një roman që përmbys pritshmëritë, sfidon klishetë e dashurisë klasike dhe sjell një rrëfim të freskët, të gjallë dhe emocional, ku kufiri mes realitetit dhe lojës zbehet me çdo faqe. Një histori për ata që e dinë se dashuria nuk pyet kur nis, por si të ndryshon.
