Një grua 72 vjeçe, pronare e një pike këmbimi valutor në Tiranë, është arrestuar në kushtet e flagrancës nga efektivët e për Hetimin e Pastrimit të Parave dhe Aseteve Kriminale i DVP Tiranë. Shtetases me iniciale E.K është i janë sekuestruar 500.000 euro të ndara në tre çanta.
Si rezultat i një hetimi, të iniciuar nga Seksioni për Hetimin e Pastrimit të Parave dhe Aseteve Kriminale i DVP Tiranë dhe të ndjekur nga Prokuroria e Tiranës, u finalizua operacioni “Hidden Funds”, në kuadër të cilit u procedua penalisht shtetasja E. K., 72 vjeçe.
Në subjektin në pronësi të kësaj 72 vjeçare, sipas provave të mbledhura, rezulton se depozitoheshin para të padeklaruara nga persona të ndryshëm, me qëllim përdorimin e tyre për huadhënie me përqindje jashtë sistemit bankar.
Policia e Tiranës bën me dije se ka sekuestruar rreth 500.000 euro, të dyshuara të përfituara nga veprimtari kriminale.
Materialet procedurale iu referuan Prokurorisë së Tiranës, për veprime të mëtejshme, ndërsa vijon puna për identifikimin e personave të tjerë të përfshirë në këtë aktivitet kriminal, me qëllim dokumentimin e plotë të veprimtarisë së tyre dhe vënien përpara përgjegjësisë penale.
