Kryeministri dhe kryetari i Partisë Socialiste, Edi Rama, deklaroi gjatë mbledhjes së Grupit Parlamentar se disa deputetë e kanë bërë personalisht të ndjehet përgjegjësi për pasojat e Reformës në Drejtësi.
Sipas Ramës, brenda grupit është shprehur qëndrimi se ai duhet të konsiderohet përgjegjës për efektet që ka prodhuar reforma.
“Në grup ma thanë copë që unë duhet të ndjehem përgjegjës për Reformën në Drejtësi… Jam unë fajtori kryesor”,
u shpreh ai, duke shtuar se e kupton zhgënjimin e disa kolegëve.
Kryeministri kritikoi këtë qasje, duke argumentuar se vlerësimi i reformës nuk duhet të kufizohet te kostot aktuale politike apo personale. Sipas tij, Reforma në Drejtësi, e miratuar me konsensus të gjerë parlamentar, përfaqëson një proces afatgjatë shtetndërtimi.
Deklaratat vijnë në një moment kur çështjet që lidhen me hetimet dhe zbatimin e reformës vijojnë të jenë në qendër të debatit politik dhe institucional në vend.
