Qindra mbështetës mblidhen në selinë blu në prag të tubimit kundër qeverisë Rama
Kryetari i Partisë Demokratike, Sali Berisha, mbërriti pasditen e sotme në selinë qendrore të forcës politike në kryeqytet, ku u prit nga qindra mbështetës të mbledhur përpara nisjes së protestës kombëtare të thirrur nga opozita.
Tubimi është paralajmëruar si një protestë kundër qeverisë së drejtuar nga Edi Rama, me kërkesën për largimin e saj nga detyra. Mbështetësit e opozitës u grumbulluan në oborrin dhe rrugët përreth selisë blu, duke brohoritur në momentin e mbërritjes së Berishës.
Në një reagim të mëhershëm publik, Berisha ka deklaruar se protesta synon që “qeveria të përballet me drejtësinë”, ndërsa organizatorët kanë paralajmëruar pjesëmarrje nga qytetarë të ardhur nga disa qytete të vendit.
Tubimi zhvillohet në një klimë të tensionuar politike, me masa të shtuara sigurie në disa zona të Tiranës.
