Presidenti i Serbisë, Aleksandar Vučić, ka deklaruar se vendi i tij do ta konsideronte të pranueshme anëtarësimin në Bashkimi Evropian edhe pa të drejtë vetoje.
Në një intervistë publike, Vuçiç u shpreh se “për Serbinë, anëtarësimi në BE pa privilegje vetoje është i pranueshëm”, duke theksuar se prioritet mbeten qasja në tregun e brendshëm dhe lëvizja e lirë e mallrave, njerëzve dhe kapitalit.
Ai përsëriti se Serbia duhet të përmbushë kërkesat e BE-së për të përshpejtuar procesin e integrimit, edhe nëse disa prej tyre perceptohen si presion politik. Sipas tij, mbështetja publike për anëtarësimin në BE ka rënë nga rreth 80% dy dekada më parë në rreth 40% aktualisht.
Aktualisht, disa vende të rajonit dhe më gjerë, përfshirë Maqedoninë e Veriut dhe Malin e Zi, vijojnë procesin e negociatave për anëtarësim në BE.
